بھارتی سیکریٹری خارجہ 3مارچ کو پاکستان کا دورہ کریں گے، دفترخارجہ -
The news is by your side.

Advertisement

بھارتی سیکریٹری خارجہ 3مارچ کو پاکستان کا دورہ کریں گے، دفترخارجہ

اسلام آباد: بھارتی سیکریٹری خارجہ تین مارچ کو پاکستان آ رہے ہیں، بھارت نے پچھلے سال اگست میں سیکرٹری سطح کے مذاکرات معطل کیے تھے۔

اسلام آباد میں ہفتہ وار میڈیا بریفنگ میں ترجمان دفترِ خارجہ تسنیم اسلم کا کہنا تھا کہ بھارتی سیکریٹری خارجہ تین مارچ کو پاکستان کا دورہ کریں گے، بھارتی خارجہ سیکریٹری کو خوش آمدید کہتے ہیں، بھارتی سیکریٹری خارجہ سے تمام امور پر مذاکرات کئے جائیں گے۔

انکا کہنا تھا کہ وزیرِاعظم نوازشریف اوربھارتی وزیرِاعظم نریندرمودی کے درمیان مذاکرات شروع کرنے پراتفاق کیا گیا تھا۔

بھارت نے گذشتہ سال اگست میں ہونے والے سیکریٹری سطح کے مذاکرات منسوخ کر دئیے تھے جبکہ پاکستان تمام مسائل مذاکرات کے ذریعے حل کرنے پر زور دیتا آیا ہے۔

ترجمان نے کہا کہ پاکستان کئی دہائیوں سے اقوام متحدہ کے ساتھ مل کرکام کررہا ہے اوراقوام متحدہ کے ساتھ اپنی ذمہ داریوں کو ادا کرتا رہے گا۔

Comments

comments

یہ بھی پڑھیں