The news is by your side.

Advertisement

ہم میں سے کوئی بھی پاکستان مخالف کردار کرنے کے حق میں نہیں، سیف علی خان

نئی دہلی : بالی ووڈ اداکار سیف علی خان کا کہنا ہے کہ پاکستان میں رہنے والے رشتہ دار پسند نہیں کرتے کہ وہ پاکستان مخالف کردار کریں، بھارتی ہدایتکار کبیر خان  فلم بجرنگی بھائی جان کی کامیابی کے بعد نئی فلم فینٹوم لارہے ہیں۔

تفصیلات کے مطابق نئی فلم فینٹوم کی پروموشن کیلئے ایک پریس کانفرنس کا انعقاد کیا گیا، جس میں بالی ووڈ اداکار سیف علی خان ، بالی ووڈ اداکارہ کترینہ کیف اور ہدایتکار کبیر خان شریک ہوئے، پریس کانفرنس میں ایک صحافی نے سیف علی خان سے سوال کیا کہ آپ کے پاکستان مخالف کردار ادا کرنے پر پاکستان میں رہنے والے رشتہ داروں کا کیا ردِعمل ہوتا ہے۔

اس سوال کے جواب میں سیف علی خان میں کہنا تھا کہ حال ہی میں ایک رشتہ دار سے بات کی تھی، جسمیں انکا کہنا تھا کہ کوئی بھی ایسی فلموں اور پاکستان مخالف کردار کو پسند نہیں کرتے اور ہم میں سے کوئی بھی اینٹی پاکستان رولز یا ایسے فلمی کردار کرنا پسند نہیں کرتا، جس میں پاکستان پر تنقید ہو۔

ڈائریکٹر کبیر خان ریلیز ہونے والی سلمان خان کی فلم بجرنگی بھائی جان کی کامیابی پر بہت خوش ہیں، انھوں نے کہا کہ مجھے نہیں لگتا کہ پاکستان دہشتگردوں کی نمائندگی کرتا ہے، پاکستان میں رہنے والے دیگر لوگ پر امن ہے، انھوں نے کہا کہ بھارت میں منفی ذہنیت موجود ہے کہ پاکستان دہشتگردوں کی نمائندگی کرتا ہے، میں فلم بجرنگی بھائی جان کا ڈائریکٹر ہوں اور فلم فینٹوم کا بھی، ان دونوں فلموں میں بھارت اور پاکستان کے لوگوں کے درمیان رابطے بڑھانے کے لئے پیغام دیا گیا ہے۔

پریس کانفرنس کے دوران ایک بھارتی صحافی کبیر خان پر پاکستان کا دفاع کرنے پر بھڑک اٹھے، اور سوال کیا کہ کبیر خان بتائے بھارت میں کون انتہا پسند ہے، اسی دوران کبیر خان نے صحافی سے کہا کہ آپ آرام سے بات کریں اور اس طرح کی زبان میں بات نہ کریں۔


Indian journalist angrily interrupts Bollywood… by arynews

Source of the video: Bollywood Now

بھارتی فلموں  کے سپر اسٹار سیف علی خان اور کترینہ کیف کی نئی آنے والی فلم فینٹوم کا ٹریلر کچھ روز پہلے ہی ریلیز کیا گیا، مذکورہ فلم میں سیف علی خان اور کترینہ کیف نے مرکزی کردار ادا کررہے ہیں، فلم کی کہانی 2008 میں ممبئی میں ہونے والی دہشت گردی کے واقعے پر مبنی ہے۔


Phantom – HD Hindi Movie Trailer [2015] Katrina… by HindiMovieTrailer

فلم فینٹوم آئندہ ماہ 28 اگست کو بھارت کے سنیماؤں میں نمائش کیلئے پیش کردی جائے گی۔

Print Friendly, PDF & Email

Comments

comments

یہ بھی پڑھیں