بھارتی وزیراعظم کا رویہ نوازشریف سے توہین آمیز تھا، رحمان ملک -
The news is by your side.

Advertisement

بھارتی وزیراعظم کا رویہ نوازشریف سے توہین آمیز تھا، رحمان ملک

اسلام آباد: سینیٹر رحمان ملک نے بھارتی وزیراعظم کے غیرسفارتی رویہ کو تنقید کا نشانہ بنایا ۔ انہوں نے کہا کہ مودی نےوزیراعظم نوازشریف کااستقبال سفارتی آداب کے منافی کیا۔

اوفا میں پاک بھارت وزرائے اعظم کی ملاقات پر سینیٹر رحمان ملک کا کہنا ہے کہ بھارتی وزیراعظم نریندر مودی کا رویہ حقارت آمیز تھا، نواز شریف سے ملاقات کے وقت نریندر مودی نے سفارتی اصولوں کو نظر انداز کیا اور ان کی جانب آتے پاکستانی وزیراعظم کے لئے چند قدم تک آگے نہ بڑھائے۔

انکا کہنا تھا کہ بھارتی وزیراعظم نے نواز شریف کا استقبال نہ کرکے اپنی برتری اور خود کو بادشاہ ثابت کرنے کی کوشش کی۔

انہوں نے کہا کہ بھارت نے1971میں پاکستان توڑ کر بنگلادیش بنایا، مودی کو یاد ہونا چاہئے کہ یہ  1971نہیں 2015ہے۔

رحمان ملک نے کہا کہ نریندرمودی پاکستان کےعوام کو کمزور نہ سمجھیں۔ حکومت کو بھارتی وزیرِاعظم کے رویہ پر احتجاج کرنا چاہیئے۔

Comments

comments

یہ بھی پڑھیں