The news is by your side.

Advertisement

بھارت بمقابلہ انگلینڈ،سیریزکا چوتھا ٹیسٹ آج سے مانچسٹر میں کھیلا جائیگا

مانچسٹر : بھارت اور انگلینڈ کے درمیان پانچ میچز کی سیریزکا چوتھا ٹیسٹ آج سے مانچسٹر میں کھیلا جائے گا۔

بھارت اور انگلینڈ کی ٹیموں میں تناؤ کی فضا برقرار ہے، بگ تھری کے دو ٹھیکے داروں میں سے کوئی جھکنے کو تیار نہیں، جیمز اینڈرسن اور رویندر جڈیجا کے درمیان ہونے والے جھگڑے سے دونوں بورڈز آمنے سامنے آگئے ہیں۔

ایسے میں مانچسٹر کے خوشگوار موسم میں بھی ٹیسٹ میچ کا ماحول گرم ہی ہوگا، انگلینڈ نے تیسرے ٹیسٹ میں بھارت کو شکست دے کر سیریز برابر کردی تھی، مانچسٹر ٹیسٹ کے لئے بھارتی ٹیم میں روی چندرن ایشون کی شمولیت کا امکان ہے۔

ایشون کو روہت شرما یا رویندر جڈیجا میں سے کسی ایک جگہ فائنل الیون کا حصہ بنایا جاسکتا ہے، مسلسل ناکام ہونے والے اوپننگ بیٹسمین شیکھر دھون کی بھی ٹیم میں جگہ بنانا مشکل ہوگئی ہے، ادھر انگلش ٹیم کے کپتان ایلسٹر کک کا کہنا ہے کہ بھارتی ٹیم کم بیک کرسکتی ہیں کھلاڑیوں کو پوری تیاری کے ساتھ میدان میں اترنا ہوگا۔

Print Friendly, PDF & Email

Comments

comments

یہ بھی پڑھیں