بھارت ذکی الرحمان لکھوی کی رہائی پر بےجا مداخلت کررہاہے، سرتاج عزیز -
The news is by your side.

Advertisement

بھارت ذکی الرحمان لکھوی کی رہائی پر بےجا مداخلت کررہاہے، سرتاج عزیز

اسلام آباد: مشیر خارجہ سرتاج عزیز نے کہا ہے کہ بھارت ذکی الرحمان لکھوی کی رہائی کے معاملے پر بے جامداخلت کر رہا ہے۔

اسلام آباد میں میڈیا سےگفتگوکرتےہوئےمشیرخارجہ سرتاج عزیزکا کہنا تھا کہ ذکی الرحمان کا کیس پاکستان کی عدالت میں زیر سماعت ہے۔

سرتاج عزیر نے کہا کہ لکھوی کےمعاملےسے بھارت سے مذاکرات پراثر نہیں پڑے گا، انہوں نے کہا کہ پاکستان نے بھارت کو یاد دلایا ہے کہ سمجھوتہ ایکسپریس کے معاملے پر بھی تاحال کوئی پیشرفت نہیں ہوئی۔

 مشیر خارجہ نے کہا کہ پاکستان بھار ت کے ساتھ آبی تنارع پر اپنے حقوق کا تحفظ کرے گا، ان کا کہنا تھا کہ تاپی منصوبے پر اگلے سال سے کام شروع ہوجائے گا۔

مشیر خارجہ نے بتایا کہ افغانستان نے تاپی منصوبے میں سیکیورٹی کیلئے یقین دہانی کرائی ہے۔

Comments

comments

یہ بھی پڑھیں