بھارت سے 500 میگاواٹ بجلی کی خریداری کی سمری کابینہ کو ارسال -
The news is by your side.

Advertisement

بھارت سے 500 میگاواٹ بجلی کی خریداری کی سمری کابینہ کو ارسال

بھارت سے پانچ سو میگا واٹ بجلی درآمد کرنے کیلئے وزارت پانی و بجلی کی جانب سے سمری کابینہ کو ارسال کردی گئی ہے۔ ذرائع کے مطابق پاکستان ابتدائی طور پر بھارت سے 200 میگاواٹ بجلی خریدنے پر رضامند ہو گیا ہے۔

پاکستان میں توانائی کی قلت پر قابو پانے کیلئے بھارت سے بجلی خریدنے کیلئے اقدامات کا آغاز کر دیا گیا ہے، وزارت پانی و بجلی نے بھارت سے پانچ سو میگاواٹ بجلی درآمد کرنے کے لیے سمری حتمی منظوری کیلئے کابینہ کو ارسال کر دی ہے۔

سمری میں بجلی کی درآمد ، ٹیرف ، شرائط اور دیگر پہلووں پر مذاکرات کی اجازت طلب کی گئی ہے، ذرائع کے مطابق پاکستان ابتدائی طور پر بھارت سے پانچ سو کی بجائے دو سو میگا واٹ بجلی خریدنے پر رضامند ہو گیا ہے، وزرات پانی و بجلی نے گذشتہ سال بھارت سے دو سو میگا واٹ بجلی خریدنے سے انکار کر دیا تھا۔
   

Comments

comments

یہ بھی پڑھیں