site
stats
اہم ترین

بھارت غلط فہمی میں نہ رہے،جواب دینا جانتے ہیں، چوہدری نثار

اسلام آباد:  وفاقی وزیرِداخلہ چوہدری نثار علی خان نے پریس کانفرنس میں کہا ہے کہ بھارت کسی غلط فہمی میں نہ رہے پاکستانی افواج ہر طرح کی جارحیت کا بھرپور جواب دینے کی مکمل صلاحیت رکھتی ہے۔

میڈیا بریفنگ میں وزیرِداخلہ نے کہا کہ بھارتی فوج کی جانب سے تہوار پر بلا اشتعال فائرنگ کی گئی اور بھاری ہتھیار کا استعمال کیا گیا، بھارت کی جانب سے بلااشتعال فائرنگ میں 13 شہری شہید ہوچکے ہیں، جس کا رینجرز اور فوج کی جانب سے مؤثر جواب دیا گیا۔

انھوں نے کہا کہ بھارت کی دراندازی کا بھرپور جواب دیا جائے گا اور جارحیت کا معاملہ ہر فورم پراٹھایا جائے گا، پاکستان بات چیت اور پُرامن طریقے سے مسائل کا حل چاہتا ہے۔

چوہدری نثار نے کہا ہے کہ اس قسم کی کوئی نا کوئی مقصد ہوتا ہے، پاکستان حکومت اور فوج کی تمام تر توجہ آپریشن ضرب، عضب پر ہے.

چوہدری نثار نے کہا کہ قومی سلامتی کمیٹی کے اجلاس میں اہم فیصلے کئے گئے ہیں ، بھارت کی اجارہ داری اور تھانیداری قبول نہیں۔انہوں نے کہا کہ پاکستان کی آزادی، خودمختاری اور سلامتی کا ہر حال میں تحفظ کیا جائے گا۔

انھوں نے کہا ہے کہ ملالہ نے امن کا نوبل پرائز جیت کر ہر پاکستانی کا سر فخر سے بلند کردیا ہے۔

مذاکرات کی منسوخی سے امن کی خواہش رکھنے والوں کو مایوسی ہوئی، بھارت کی جانب سے سیکٹریری سطح پر مذاکرات منسوخ کئے گئے، بھارتی حکام کو مہم جوئی سے گریز کرنا چاہیے کیونکہ دونوں ملک ایٹمی طاقت ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top