نئی دہلی: بھارت میں انڈین کرکٹ لیگ کے بعد ایک نئی باغی لیگ کے سراٹھانے خدشہ بڑھ گیا، آئی سی سی کی بقا کو خطرات لاحق ہوگئے ہیں۔
بھارتی میڈیا گروپ انڈین کرکٹ لیگ کی طرح باغی لیگ بنانے میں سرگرم ہیں، اسی نشریاتی ادارے میں دوہزار سات میں ناکام باغی لیگ آئی سی ایل بھی کرائی تھی، جس میں دنیا بھر سے کئی اسٹار کھلاڑیوں نے حصہ کیا تھا۔
اب اسی میڈیا گروپ کی ایک اور پراسرار سرگرمی نے مختلف ممالک کے کرکٹ بورڈز کو ہی نہیں آئی سی سی کو بھی چونکا دیا ہے۔
میڈیا گروپ متوازی باڈی رجسٹرڈ کرارہا ہے، ذرائع کے مطابق باغی لیگ کی تیاریوں کا کام ساٹھ فیصد تک مکمل ہوچکا ہے، جس کیلئے اربوں ڈالر کی سرمایہ کاری کی گئی ہے۔کمپنی بہترین کھلاڑیوں کی خدمات حاصل کرکے عالمی پلیٹ فارم پر ایک نئی لیگ کرانے کیلئے پر تول رہی ہے۔
ایک اور باغی ایونٹ سے کرکٹ کو کئی خانوں میں تقسیم کیے جانے کا خدشہ نظر انداز نہیں کیا جاسکتا۔
رپورٹس کے مطابق باغی لیگ کا خیال آئی سی سی میں بگ تھری کی تشکیل کے بعد ہوا۔