The news is by your side.

Advertisement

بھارت پاکستان کے داخلی معاملات میں دخل اندازی بند کرے، خلیل اللہ قاضی

اسلام آباد: دفتر خارجہ کے ترجمان خلیل اللہ قاضی نے کہا ہے کہ بھارت پاکستان کے داخلی معاملات میں دخل اندازی بند کرے۔

وزارت خارجہ اسلام آباد میں ہفتہ وار پریس بریفنگ کے دوران ترجمان دفتر خارجہ کا کہنا تھا کہ پاکستان نے بھارت کو بارہا یہ باور کرایا ہے کہ وہ پاکستان کے داخلی معاملات میں مداخلت سے گریز کرے۔

 پاکستان نے سیکرٹری خارجہ سطح کی حالیہ بات چیت سمیت کئی مواقع پر اپنے داخلی معاملات میں بھارت کی مداخلت کے ثبوت فراہم کئے ہیں۔

بھارتی شہری داؤد ابراہیم کی موجودگی سے متعلق سوال پر انہوں نے کہا کہ پاکستان ہمیشہ داؤد ابراہیم کی اپنی سرزمین پر موجودگی کی تردید کرتا رہا ہے اور اب بھارتی وزیر نے بھی اس کی تائید کرتے ہوئے اعتراف کیا ہے کہ انہیں اس کی رہائش کا کوئی پتہ نہیں۔

 خلیل اللہ قاضی کا کہنا تھا کہ پاکستان نے ہمیشہ افغانستان میں امن اور استحکام کی حمایت کی ہے اور حکومت اس مقصد کے حصول کے لئے ہر ممکن کوششیں کر رہی ہے۔

Comments

comments

یہ بھی پڑھیں