The news is by your side.

Advertisement

بھارت کا پاکستانی تاجروں کے لئے 3 سالہ ملٹی پل ویزہ کا اعلان

نئی دہلی: بھارت نے پاکستان کے بڑے تاجروں کو تین سال کا ملٹی پل ویزہ دینے کا اعلان کردیا جس کے تحت تاجر15 شہروں میں سفرکرسکیں گے۔

بھارتی اخبار کے مطابق یونین منسٹر برائے امور داخلہ کرن رجیجو نے اپنے ایک بیان میں کہا ہے کہ ’’حکومت نے 7 جولائی کو ہدایات جاری کی تھیں کہ مستحکم مالی پس منظر رکھنے والے پاکستان سے وابستہ کاروباری افراد کو تین سال تک کی مدت کے ویزے جاری کیے جائیں‘‘۔

انہوں نے مزید کہا کہ سارک ممالک کے تاجروں کو پانچ سال تک کی مدت یا حسب ضروت وقت کے ویزے جاری کیے جائیں گے لیکن نیپال، بھوٹان اور پاکستان کے شہری اس پالیسی میں شامل نہیں ہیں۔

یہ بھی کہا گیا کہ نیپال اوربھوٹان کے رہنے والے شہریوں کو بھارت میں داخلے کے لئے ویزے کی ضرورت نہیں ہے۔

فی الحال پاکستانی تاجروں کو ایک سال کا ملٹی پل ویزہ دیا جارہا ہے جس میں وہ 10 شہروں کا دورہ کرسکتے ہیں۔

واضح رہے کہ بھارتی وزیراعظم نریندرمودی نے جنوب ایشیائی ممالک کے درمیان تجارت کے فروغ کے لئے گزشتہ سارک سمٹ میں ممبرممالک کے تاجروں کے لئے 3 سے 5 سال کی ویزہ پالیسی اپنانے کا اعلان کیا تھا۔

Comments

comments

یہ بھی پڑھیں