بھارت کو سیمنٹ کی برآمد میں 40 فیصد اضافہ -
The news is by your side.

Advertisement

بھارت کو سیمنٹ کی برآمد میں 40 فیصد اضافہ

اسلام آباد: مالی سال 2012-13ءکے مقابلہ میں گزشتہ مالی 2013-14ء کے دوران بھارت کو سیمنٹ کی برآمد میں 40 فیصد اضافہ ہوا ہے، اس طرح بھارت پاکستان سے سیمنٹ درآمد کرنے والا دوسرا بڑا ملک بن گیا ہے۔

آل پاکستان سیمنٹ مینو فیکچررز اینڈ ایکسپورٹرز کے اعدادو شمار کے مطابق گزشتہ مالی سال 2013-14ء کے دوران بھارت کو 6 لاکھ 77 ہزار 305 ٹن سیمنٹ برآمد کیا گیا جبکہ اس سے گزشتہ سال 2012-13ءکے دوران بھارت کو برآمد کئے جانے والے سیمنٹ کا حجم 4 لاکھ 82 ہزار 214 ٹن ریکارڈ کیا گیا تھا۔

اس طرح گزشتہ مالی سال کے دوران اس سے پچھلے سال کے مقابلہ میں ایک لاکھ 95 ہزار 91 ٹن زائد سیمنٹ کی برآمدات کی گئیں، برآمد کنندگان کا کہنا ہے کہ نان ٹیرف کے مسائل کے خاتمہ سے ملکی برآمدات میں مزید اضافہ کو یقینی بنایا جاسکتا ہے، جس سے قیمتی زرمبادلہ کما کر ملکی معیشت کے استحکام میں مدد حاصل کی جاسکتی ہے۔

Comments

comments

یہ بھی پڑھیں