The news is by your side.

Advertisement

بھارت کی آنکھوں میں آنکھیں ڈال کر بات کی جائے، پرویز مشرف

کراچی : سابق صدر جنرل ریٹائرڈ پرویز مشرف کا کہنا ہے کہ فوج اور رینجرز کو حکومت کا مکمل تعاون حاصل نہیں، بھارت کی آنکھوں میں آنکھیں ڈال کر بات کی جائے۔

اے آر وائی نیوز کے پروگرام سوال یہ ہے میں گفتگو کرتے ہوئے سابق صدر جنرل ریٹائرڈ پرویز مشرف نے کہا کہ فوج دہشت گردوں کے خلاف کامیاب کارروائیاں کر رہی ہے، فوج اور رینجرز کو حکومت کا مکمل تعاون حاصل نہیں۔

پرویز مشرف نے کہا کہ آرمی چیف جنرل راحیل شریف اچھا کام کر رہے ہیں انہیں ملازمت میں توسیع ملنی چاہیئے۔

ان کا کہنا تھا کہ بھارت اپنی بڑائی دکھاتا ہے، ہمیں دبنا نہیں ہے، بھارت ممبئی کا معاملہ اٹھائے تو ہمیں سمجھوتہ ایکسپریس کا معاملہ اٹھانا چاہیئے، پرویزمشرف نے کہا کہ بھارت کی آنکھوں میں آنکھیں ڈال کر بات کی جائے ۔

پرویز مشرف نے داعش کو بڑا خطرہ قرار دیتے ہوئے کہا کہ داعش کے خلاف مشترکہ آپریشن ہونا چاہیئے، پرویز مشرف نے کہا کہ افغان حکومت کو افغانستان کے لوگوں کی نمائندگی کرنی چاہیے۔


Sawal Yeh Hai 12 July 2015 by arynews

Print Friendly, PDF & Email

Comments

comments

یہ بھی پڑھیں