The news is by your side.

Advertisement

بھارت کی بلاجواز فائرنگ اورگولہ باری، لوگ نقل مکانی پرمجبور

لاہور: بھارتی فوج کی بلا اشتعال فائرنگ اور گولا باری سے ورکنگ باونڈری کے قریبی دیہاتوں کے رہائشیوں نے نقل مکانی شروع کردی۔

ورکنگ باونڈری پر بلااشتعال فائرنگ کے باعث بارہ سالہ بچے سمیت تین افراد شہید ہوگئے تھے، بھارت کی بلاجواز فائرنگ اور گولا باری کے باعث ورکنگ باونڈری کے نزدیکی گاؤں کے لوگ نقل مکانی پر مجبور ہوگئے ہیں۔

ورکنگ  باونڈری کے قریب کوئی گھر ایسا نہیں جو بھارت کی جارحیت کا نشانہ نہ بنا ہو، ورکنگ باؤنڈری کے قریبی رہائشی نے بتایا کہ گاؤں کے زیادہ تر لوگ نقل مکانی کرچکے ہیں ۔

بھارتی جارحیت اور بلا اشتعال فائرنگ سے تنگ آئے ایک نوجوان نے بتایا کہ بھارتی سرحدکی لائٹ دھیمی ہونے کا مطلب ہے کہ وہ فائرنگ شروع کرنے والے ہیں۔

ایک طرف تعلقات بہتر کرنے کی باتیں ہیں تو دوسری جانب بھارتی فوج کےجنگی جنون اور جارحیت میں مسلسل اضافہ ہوتا جارہا ہے۔

Comments

comments

یہ بھی پڑھیں