مدھیاپردیش: بھارت میں دو ٹرینیں پٹری سے اتر کر دریا میں جاگریں ،حادثے میں چوبیس افراد ہلاک معتدد زخمی ہوگئے۔
بھارتی ریاست مدھیاپردیش میں چند منٹوں کے وقفے سے دو مختلف ٹرینیں پٹری سے اتر کر دریا میں جا گریں، حکام کے مطابق پہلی ٹرین کامیانی ایکسپریس ممبئی سے بنارس جارہی تھی کہ حادثے کا شکار ہوئی جبکہ مخالف سمت سے آنے والی جنتا ایکسپریس کی متعدد بوگیاں پٹری سے اترگئیں ۔
واقعے کی اطلاع ملتے ہی ریسکیوں اداروں نے جائے وقوع پر پہنچ کر امدادی سرگرمیاں شروع کردیں ۔
دریا سے چوبیس افراد کی لاشیں نکال لیں گئیں جبکہ مزید افراد کی تلاش کا کام جاری ہے ۔ ریلوے حکام کا کہنا ہے کہ حالیہ بارشوں کے باعث دریا کی سطح عام دنوں کے مقابلے میں اونچی ہے، لہذا مزید ہلاکتوں کا خدشہ ہے۔
