بھا رت دہشت گردوں کیخلاف آپریشن میں رکاوٹ ڈال رہا ہے -
The news is by your side.

Advertisement

بھا رت دہشت گردوں کیخلاف آپریشن میں رکاوٹ ڈال رہا ہے

اسلام آباد: بھارتی اشتعال انگیزی اور لائن آف کنٹرول پر فائرنگ سے ان اطلاعات کو مزید تقویت مل رہی ہے کہ بھارت دہشت گردوں کیخلاف ہونیوالے آپریشن میں رکاوٹ ڈالنا چاہتا ہے۔

بھارتی فوج کی جانب سے سرحدی حدود کی خلاف ورزیوں کا سلسلہ جاری ہے، معصوم پاکستانیوں پر بے دریغ فائرنگ بھا رت کا معمول بن چکا ہے ، دو روز قبل شکر گڑھ کے سرحدی علا قے میں رینجرز کے اہلکاروں پر بھا رتی افواج کی سفاکانہ فائرنگ اور دو رینجرز اہلکاروں کی شہادت بھارت کی اشتعال انگیزی کا منہ بولتا ثبوت ہے۔

بھارت کا اشتعال انگیز رویہ ان اطلاعات کو تقویت فراہم کرتا ہے کہ بھا رت بھی پاکستان میں دہشت گردوں کیخلاف ہو نیوالے بھر پور آپریشن میں رکاوٹ ڈال رہا ہے۔

ڈی جی پنجاب رینجرز میجر جنرل طاہر جاوید کا کہنا ہے کہ بھارت کی جانب سے سرحدی خلاف ورزی عرصہ دراز سے جاری ہے، جس کی وجہ سے بھارت سے سیکٹر سطح پر مذاکرات بند کرنے کا فیصلہ کیا گیا ہے۔

وزیرِدفاع خواجہ آصف نے بھارتی فوج کی جانب سے سرحدی حدود کیخلاف ورزی پر سخت ردعمل کا اظہار کرتے ہوئے کہا کہ جارحیت کا بھرپور جواب دے سکتےہیں۔

Comments

comments

یہ بھی پڑھیں