بھتہ خوری کے مقدمے میں ملوث ملزم ریمانڈ پرپولیس کے حوالے -
The news is by your side.

Advertisement

بھتہ خوری کے مقدمے میں ملوث ملزم ریمانڈ پرپولیس کے حوالے

کراچی: انسدادِ دہشت گردی کی عدالت نے پولیس افسران کے نام پر بھتہ لینے والے ملزم وسیم عرف بیٹر کو نپیئر تھانے کی حدود میں دکان پرحملے کے مقدمہ میں چاردن کے ریمانڈ پر پولیس کے حوالے کردیا۔

ملزم وسیم عرف بیٹر کو نپیئر پولیس نے دو ہزارتیرہ میں دکان پر دستی بم حملہ کے مقدمے میں انسداد دہشت گردی کی عدالت نمبر تیں میں پیش کیاتھا جہاں ملزم نےعدالت کو بتایا کہ اس پر تشدد کیا گیا ہے جس پرعدالت نے ملزم کے میڈیکل کے لیے ہدایات جاری کیں جبکہ ملزم کو جے آئی ٹی کے سامنے بھی پیش کرنے کا حکم دیا ہے ۔

ملزم کے وکیل نے میڈیا سے بات چیت کرتے ہوئے کہا کہ سندھ ہائی کورٹ میں وسیم کے متعلق رپورٹ پیش کردی گئی تھی کہ اس پرچار مقدمات تھے جن میں سے اسے عدالت نے کوئی ثبوت نہ ہونے پربری کردیا تھا۔

پولیس نے وسیم کو ایک بار پھر بھتہ خوری  کے مقدمہ میں اسے گرفتار کرلیا ہے جبکہ اسی مقدمہ میں مزید ملزمان بھی نامزد ہیں واضح رہے کہ وسیم عرف بیٹر کو گزشتہ روز ایف آئی اے نے ایئرپورٹ سےگرفتار کیا تھا۔

Comments

comments

یہ بھی پڑھیں