site
stats
Uncategorized

بہاولپور پولیس کا کارنامہ، مکینوں کی موجودگی میں گھر سیل کردیا

بہاولپور ایکسائز پولیس کا انوکھا کارنامہ سامنے آگیا، پراپرٹی ٹیکس کی ادائیگی کے باوجود اہل خانہ کو گھر میں قید کرکے مکان کو سیل کر دیا، اہل علاقہ نے ایکسائز پولیس کے خلاف احتجاج کیا۔

اطلاعات کے مطابق بشیر ٹاؤن کا رہائشی گل محمد روزگار کے سلسلے میں گھر سے باہر گیا ہوا تھا کہ اس کی غیر موجودگی میں ایکسائز پولیس کے کانسٹیبل نے پراپرٹی ٹیکس کی عدم ادائیگی کو جواز بناتے ہوئے اہل خانہ کی گھر میں موجودگی کے باوجود مکان کو باہر سے تالے لگا کر سیل کر دیا اور مکان کو سیل کرنے کے احکامات کا نوٹس چسپاں کر دیا۔

 اہل علاقہ نےایکسائز پولیس کے خلاف احتجاج کرتے ہوئے حکام سے اہلکاروں کے خلاف کارروائی کا مطالبہ کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top