بینظیرقتل کیس : امریکی صحافی مارک سیگل کا پاکستان آنے سے انکار -
The news is by your side.

Advertisement

بینظیرقتل کیس : امریکی صحافی مارک سیگل کا پاکستان آنے سے انکار

امریکہ : امریکی صحافی مارک سیگل نے بینظیر بھٹو قتل کیس میں گواہی کےلئے پاکستان آنے سے انکارکر دیا۔

بینظیر قتل کیس کے اہم گواہ امریکی صحافی مارک سیگل کو جاری سمن کی تعمیل نہ ہوسکی، امریکی صحافی نے پاکستان آکر بیان ریکارڈ کرانے سے انکار کردیا۔

پراسیکیوٹر ٹیم جانب سے رابطے پر مارک سیگل نے پاکستان آنے سے معذوری ظاہر کرتے ہوئے کہا وڈیو لنک کے ذریعے بیان ریکارڈ کراسکتا ہوں۔

مارک سیگل نے پاکستان نہ آنے کی بنیادی وجہ سیکیورٹی خدشات بتائی ہے۔

بے نظیر قتل کیس کی سماعت انسدادِ دہشت گردی کی عدالت کے جج جسٹس پرویز اسماعیل نے کی، ایف آئی اے کے پراسیکیوٹر نے عدالت کو بتایا کہ سیکیورٹی خدشات کے باعث مارک سیگل نے پاکستان آنے سے انکار کردیا۔

سماعت کے دوران ، ایف آئی اے پراسیکیوٹر نے استدعا کی کہ سمن کی تعمیل کیلئے کم از کم پانچ روز دیئے جائیں، کیس کی مزید سماعت چھ اپریل کو ہوگی۔

Comments

comments

یہ بھی پڑھیں