نئی دہلی: بھارت کی ٹینس اسٹارثانیہ مرزا کو ان کے اپنے ہی ملک میں تنقید کا سامنا ہے۔انتہا پسند جماعت بی جے پی نے ثانیہ مرزا کوپاکستان کی بہوقراردیتے ہوئے انہیں تلنگانہ کا برانڈ ایمبیسڈربنانے پرطوفان کھڑا کردیا۔
نام نہاد سیکولربھارت پاکستان کے خلاف دشمنی ظاہرکرنے کا کوئی موقع ہاتھ سے جانے نہیں دیتا۔ دنیا بھرمیں اپنے کھیل کے ذریعے بھارت کا نام روشن کرنے والی ٹینس اسٹارثانیہ مرزاکومحض اس لئے تنقید سہنا پڑی کہ وہ پاکستان کی بہوہیں۔
بی جے پی کے لیڈرکے لکشمن نے مقامی حکومت کی جانب سے ثانیہ مرزا کو تلنگانہ کا برانڈایمبسیڈربنانے پرکڑی تنقید کرتے ہوئے انہیں غیرمقامی قراردے دیا۔ثانیہ مرزا نے بی جے پی کو بھرپورجواب دیتے ہوئے کہا کہ وہ بھارتی ہیں اوربھارتی رہیں گی۔ان کا خاندان ایک صدی سے بھی زیادہ حیدرآباد میں آباد ہے۔غیراہم مسئلوں پرمیڈیااورعوام کا وقت ضائع کرنے پردکھ ہوتا ہے۔اپوزیشن جماعتوں اورسیاسی تجزیہ کاروں نے بی جے پی پرتنقید کرتے ہوئے کہا کہا شادی ثانیہ کا ذاتی معاملہ ہے
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
