The news is by your side.

Advertisement

بے نظیر بھٹو شہید کی چھٹی برسی آج منائی جارہی ہے

لاڑکانہ میں شہید بے نظیر بھٹو کی چھٹی برسی آج منائی جارہی ہے، مرکزی جلسے کی تقریب سے پارٹی چئیرمین بلاول بھٹوزرداری اورسابق صدر آصف علی زرداری خطاب کرینگے۔

برسی کے موقع پر سیکورٹی کے سخت ترین انتظامات کئے گئے ہیں، اس موقع پر چھ ہزار پولیس اہلکار، رینجرز کے جوان اور خصوصی کمانڈوز سیکورٹی پر مامور ہونگے۔

جلسہ گاہ کو چاروں طرف سے سیل کردیا گیا ہے جبکہ واک تھرو گیٹ کے ذریعے چیکنگ کے بعد شرکاء کو اندر جانے کی اجازت ہوگی، شرکاء کی نقل وحرکت پر نظر رکھنے کیلئے سی سی ٹی وی کیمرے بھی نصب کئے گئے ہیں۔

برسی کے موقع پر صبح نو بجے قران خوانی کا اہتمام کیا گیا ہے جبکہ اس موقع پر سابق صدر آصف علی زرادری کی جانب سے لنگر تقسیم کیا جائے گا برسی کی تقریب کا باقاعدہ آغاز دوپہر دو بجے ہوگا، جسکے بعد مشاعرے کا اہتمام کیا جائے گا۔

تقریب سے پیپلز پارٹی کے چاروں صوبائی صدور اور مرکزی رہنماوُں کے علاوہ پارٹی چئیرمین بلاول بھٹو زرداری اور آصف علی زرداری خطاب کرینگے جبکہ پانچ بج کر بیس منٹ پر ایک منٹ کی خاموشی اختیار کی جائے گی۔

برسی کے اختتام پر شہدا کیلئے دعا کی جائے گی، دوسری جانب برسی کے موقع پر سندھ حکومت کی جانب سے آج تعطیل کا اعلان کیا گیا ہے، اس موقع پر صوبائی حکومت کے تمام دفاتر اور تعلیمی ادارے بند رہیں گے۔
    
   

Comments

comments

یہ بھی پڑھیں