The news is by your side.

Advertisement

تائیوان میں طیارہ گر کر تباہ، 12افراد ہلاک

تائے پے :تائیوان دارالحکومت تائے پے میں طیارہ دریا میں گر کر تباہ ہوگیا ہے، حادثے میں بارہ افراد ہلاک جبکہ سترہ کو بچا لیا گیا ہے۔

تائے پے کے قریب ٹرانس ایشیا ائیرلائن کا جہاز کریش لینڈنگ کی کوشش میں پل سے ٹکرانے کے بعد دریا میں گرگیا، حادثہ طیارے کے اڑان بھرنے کے فورا بعد پیش آیا، دریا میں ڈوب جانے والے طیارے میں پھنسے افراد کو نکالنے کے لئے امدادی کارروائیاں جاری ہیں۔

حکام کے مطابق حادثے کی وجوہات جاننے کے لئے تحقیقات شروع کردی گئی ہیں، طیارہ اندرون ملک سفرکررہا تھا۔

طیارے میں عملے کے ارکان سمیت اٹھاون افراد سوارتھے، جس میں زیادہ تعداد چین کے سیاحوں کی تھی۔

اس سے پہلے اسی ہوائی کمپنی کا طیارہ گزشتہ برس بھی حادثہ کا شکار ہوا تھا جس میں 48 کے قریب مسافر مارے گئے تھے۔

Print Friendly, PDF & Email

Comments

comments

یہ بھی پڑھیں