The news is by your side.

Advertisement

تابکاری شعاعوں کے اخراج نے نئی دلی کے ائیرپورٹ پر ہلچل مچادی

نئی دلی: اندراگاندھی انٹرنیشنل ایئرپورٹ پرخارج ہونے والی تابکاری شعاعوں نے پولیس اور فائربریگیڈ سمیت دیگراداروں کی دوڑیں لگوادیں۔

اندرا گاندھی انٹرنیشنل ایئرپورٹ پر کھڑے ترکش ایئرلائن کے طیارے کے کارگو سیکشن میں موجود چار پیکٹس میں سے تابکاری شعاعوں کے اخراج کی اطلاع کے بعد ایئرپورٹ پر کھلبلی مچ گئی اور تمام ادارے حرکت میں آگئے۔

واقعے کے وقت ائیرپورٹ پر عملے کے دو سو سے زائد ارکان کام میں مصروف تھے، جن میں سے کچھ نے جلنے کی بو اور آنکھوں میں جلن کی شکایت کی، جس کے بعد پولیس نے طیارے کے گرد تمام علاقے کو گھیرے میں لے کر تلاشی شروع کردی۔

اس دوران تابکاری شعاعیں خارج کرنے والے پیکٹ کو برآمد کیا گیا۔

پولیس حکام کا کہنا ہے کہ تابکاری مرکب استنبول سے فورٹس اسپتال نے درآمد کیا ہے، جسے کینسر کےعلاج کے لیے استعمال کیا جاتا ہے جب کہ بھارتی وزیرداخلہ راج ناتھ سنگھ کا کہنا تھا کہ واقعےکی تحقیقات شروع کردی گئی ہیں۔

Comments

comments

یہ بھی پڑھیں