تاجررہنماؤں کے اثاثوں کی بھی چھان بین کی جائے، ڈاکٹرمرتضیٰ مغل -
The news is by your side.

Advertisement

تاجررہنماؤں کے اثاثوں کی بھی چھان بین کی جائے، ڈاکٹرمرتضیٰ مغل

اسلام آباد: پاکستان اکانومی واچ کے صدر ڈاکٹر مرتضیٰ مغل نے کہا ہے کہ سزا و جزا کے مؤثر نظام کے بغیر معاشی ترقی نا ممکن ہے ،تاجر رہنماﺅں کے مابین ایف پی سی سی آئی پر اقتدار کی کشمکش افسوسناک ہے جس نے بے یقینی کو جنم دیا ہے۔

اپنے ایک بیان میں انہوں نے کہا کہ چیمبروں میں گھپلے کرنے والے تاجر رہنماﺅں نے حکومت اور اپنی برادری کے اعتماد کاخون کیا ہے،ان کے اثاثوں کی چھان بین اور بلیک لسٹ کرکے تا حیات کسی بھی تجارتی تنظیم یا سرکاری عہدے کے لئے نا اہل قرار دیا جائے۔

ان کا موقف تھا کہ موجودہ حالات میں چھوٹے تاجروں نے مایوس ہو کر اپنے چیمبر بنا لئے ہیں، جن کی مقبولیت میں اضافہ ہو رہا ہے، ڈاکٹر مغل نے کہا کہ جو لوگ گھپلوں میں ملوث ہیں ، ان سے وصولی کی جائے اور انہیں سزائیں دی جائیں۔

Comments

comments

یہ بھی پڑھیں