تاجکستان پاکستان کو بجلی بیچنا چاہتا ہے، تاجک سفیر -
The news is by your side.

Advertisement

تاجکستان پاکستان کو بجلی بیچنا چاہتا ہے، تاجک سفیر

اسلام آباد : تاجکستان کے سفیر شیرعلی جونونو نے کہا ہے کہ ان کا ملک جلد از جلد پاکستان کو بجلی بیچنا چاہتا ہے تاکہ پاکستان کے توانائی بحران میں کمی آئے ، جس نے معاشی ترقی کی راہ ہموار ہو سکے گی۔

تاجکستان کے سفیر نے پاکستان اکانومی واچ کے صدر ڈاکٹر مرتضیٰ مغل سے ایک خصوصی ملاقات کے دوران کہا کہ تاجکستان اس کے علاوہ معیشت کے دیگر شعبوں میں دو طرفہ تعاون میں اضافے اور پاکستانی سرمایہ کاری کا خواہاں ہےتاکہ دونوں ممالک ترقی کر سکیں۔

انھوں نے کہا کہ ان کے ملک کا توانائی کا شعبہ پندرہ سال سے مسلسل ترقی کر رہا ہے اور اب امریکہ اور روس کے بعد دنیا میں سب سے زیادہ بجلی پیدا کررہاہے۔

پاکستان کو بجلی کی فراہمی کے منصوبے پر ڈیڑھ ارب ڈالر سے زیادہ لاگت آئے گی جسکے لئے عالمی بینک، اسلامی ترقیاتی بینک، ایشیائی ترقیاتی بینک اور دیگر ڈونرسرمایہ فراہم کرینگے۔

پاکستان ایک ہزار جبکہ افغانستان تین سو میگاواٹ بجلی درامد کرے گا،جس سے پڑوسیوں کے مابین اعتماد سازی بھی ہو گی، اس موقع پر ڈاکٹر مرتضیٰ مغل نے کہا کہ پاکستان وسط ایشیائی ریاستوں سے تجارت کیلئے سب سے سہل راستہ ہے۔

Comments

comments

یہ بھی پڑھیں