تجاویزپیش کردیں ہیں اب فریقین حل نکالیں،رحمان ملک -
The news is by your side.

Advertisement

تجاویزپیش کردیں ہیں اب فریقین حل نکالیں،رحمان ملک

اسلام آباد: سابق وزیر داخلہ رحمان ملک نے کہا ہے کہ وزیراعظم نوازشریف، وزیراعلیٰ شہباز شریف کے استعفوں سمیت پی ٹی آئی اور پی اے ٹی کےمطالبات پر تجاویز پیش کردیں ہیں اب تینوں فریقین مسئلہ کا حل نکالیں۔

جماعت اسلامی کے رہنما لیاقت بلوچ کہتے ہیں کہ عمران خان اورطاہرالقادری سے حتمی رابطے کریں گے۔ ان خیالات کا اظہار انہوں نے اسلام آباد میں پریس کانفرس سے خطاب کرتے ہوئے کیا۔

رحمان ملک نے لیاقت بلوچ کے ساتھ مشترکہ پریس کانفرنس میں کہا کہ آئین کے خلاف تجاویز پیش نہیں کیں جس پر اپوزیشن کو آگاہ کردیا ہے، سینیٹر رحمان ملک کا کہنا تھا کہ پی ٹی آئی اور پی اے ٹی کو مطالبات میں نوے فیصد کامیابی ہوچکی ہے۔

رحمان ملک نے کہا کہ اگلی ملاقات بدھ کو ہوگی، حکومت پی ٹی آئی اورپی اے ٹی تجاویز کی روشنی میں مسئلے کا حل نکالیں، لیاقت بلوچ نے فریقین کو سازشوں سے ہوشیار رہنے کا مشورہ دیتے ہوئے کہا کہ اب حتمی ملاقات عمران خان اورطاہرالقادری سے ہوگی۔

رہنماؤں نے کہا کہ اگرتصادم ہوا، آئین ختم ہوا،جمہوریت کی بساط پر ضرب لگی تو فوج اورجمہوری قوتوں کے لئے بھی اصلاح نا ممکن ہوگی۔

Comments

comments

یہ بھی پڑھیں