site
stats
پاکستان

تحریکِ انصاف نے اسمبلیوں میں جانے سے انکار کردیا

اسلام آباد: پاکستان تحریکِ انصاف کا کہنا ہے کہ جب تک جوڈیشل کمیشن کے قیام پرحکومت اور ان کا ڈیڈلاک ختم نہیں ہوجاتا پی ٹی آئی کے اراکین قومی اسمبلی کے اجلاس میں شرکت نہیں کریں گے۔

اسلام آباد میں منعقدہ پارلیمانی رہنماؤں کے اجلاس کے بعد میڈیا سے گفتگو کرتے ہوئے تحریکِ انصاف کے نائب صدر شاہ محمود قریشی کا کہنا تھا کہ جوڈیشل کمیشن کے قیام پرحکومت اورپی ٹی آئی کے درمیان ڈیڈلاک تاحال برقرارہے۔

خصوصی عدالتوں کے قیام سے متعلق شاہ محمود کاکہنا تھا کہ تحریکِ انصاف نے آل پارٹیز کانفرنس میں شرکت کی اورتمام رہنماء خصوصی عدالتوں کے قیام کے لئے آئین اور آرمی ایکٹ میں ترمیم کے لئے راضی ہے۔

انہوں نے کہا کہ آل پارٹیز کانفرنس میں ہونے والے اتفاقِ رائے کوعمران خان کی قیادت میں لے کر آگے بڑھ رہے ہیں۔

انہوں نے زوردیا کہ خصوصی عدالتوں کے قیام کے لئے کئے گئے قومی اتفاقِ رائے کو برقرار رہناچاہیئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top