تحریکِ انصاف کی اپیل، طاہرالقادری نے حتمی فیصلہ مؤخر کردیا -
The news is by your side.

Advertisement

تحریکِ انصاف کی اپیل، طاہرالقادری نے حتمی فیصلہ مؤخر کردیا

اسلام آباد: پاکستان عوامی تحریک کے قائد ڈاکٹر طاہر القادری نے پاکستان تحریک ِ انصاف کے سربراہ عمران خان کی اپیل پرحکومت کی دی گئی ڈیڈلائن میں چوبیس گھنٹے کی توسیع کردی ہے۔

ان کا کہنا تھا کہ درست ایف آئی آر کےا ندراج، نواز شریف اور شہباز شریف کے استعفے کے بعد آگے مذاکرات ہوں گے، انہوں نے اس امید کا اظہار کیا کہ ممکن ہے کہ کل تک ان کی عوامی جدوجہد کا نتیجہ نکل آئے اور شریف برادران عوامی دباؤ کے باعث مستعفی ہوجائیں۔

انہوں نےکہا کہ پہلے تین مطالبوں کی منظوری کے بعد جو باتیں مذاکرات میں طے ہوں گی ان پر ضامن کے دستخط ہوں گے۔

پاکستان تحریک ِ انصاف کے وائس چیئر مین شاہ محمود قریشی نےاپنی جماعت کے وفد کے ہمراہ ڈاکٹر طاہرالقادری سے ملاقات کی تھی اوراس کے بعد پاکستان عوامی تحریک کے کارکنوں سے ڈیڈلائن میں توسیع کی درخواست کی۔

Comments

comments

یہ بھی پڑھیں