تحریکِ انصاف کے دھرنے کے شرکاء نے قبریں کھودنا شروع کردیں -
The news is by your side.

Advertisement

تحریکِ انصاف کے دھرنے کے شرکاء نے قبریں کھودنا شروع کردیں

اسلام آباد: پاکستان تحریکِ انصاف کے دھرنے کے شرکاء نے قبریں کھودنا شروع کردی ہیں، شرکاء کا کہنا ہے کہ  قائد کے لئے جان دینے سے بھی دریغ نہیں کریں گے، کسی بھی قسم کےحالات کا مقابلہ کرنے کے لئے مکمل تیار ہے۔

اسلام آباد میں پاکستان تحریکِ انصاف کے کارکن تیرہ دن سے دھرنا دیئے بیٹھے ہیں، گرمی، سردی، بارش، دھوپ سب کچھ سہنے کے باوجود دھرنے کے شرکا کا جوش ولولہ اب بھی کم نہیں ہوا۔

پی ٹی آئی کے کارکنوں کا کہنا ہے کہ وزیرِاعظم کا استعفیٰ اور حکومت کے تحلیل ہونے تک دھرنا ختم نہیں کریں گے، شرکاء نے اب اپنے مطالبات پُورے کروانے کے لئے قبریں بھی کھودنا شروع کردی ہیں۔

کارکنان کا کہنا ہے کہ قائد کے لئے کچھ بھی کرنے کو تیار ہیں، یہاں چالیس ہزار قبریں کھودی جائیں گی، پی ٹی آئی کے پُر جوش ورکرز کا کہنا ہے کہ حکمرانوں سے اب مایوس ہوچکے ہیں، اس لئے قبریں کھود رہے ہیں۔

دھرنے کے شرکاء کا کہنا ہے کہ وہ یہاں سے اس وقت تک نہیں جائیں گے، جب تک ان کے مطالبات مان نہیں لیے جاتے۔

Comments

comments

یہ بھی پڑھیں