site
stats
پاکستان

تحریکِ انصاف کے وکلاء نوازشریف کے خلاف ایف آئی آرجمع کرانے تھانے پہنچ گئے

اسلام آباد: وفاقی دارالحکومت کے سیشن کورٹ کی جانب سے وزیرِاعظم اوردیگرافرادکے خلاف ایف آئی آردرج کرنے کے حکم کے بعد تحریکِ انصاف کے وکلاء نے تھانہ سیکریٹریٹ میں تحریری درخواست جمع کرادی۔

تحریکِ انصاف کے وکلاء عدالتی حکم نامہ لےکرتھانہ سیکریٹریٹ پہنچے جہاں انہوں نے وزیرِاعظم سمیت گیارہ افراد کے خلاف ایف آئی آرکے اندراج کی باقاعدہ درخواست دے دی۔

اس سے قبل ایڈیشنل سیشن جج اسلام آباد شاہ رخ ارجمند نے تحریک انصاف کی درخواست پر فیصلہ دیتے ہوئے شاہراہ دستور پر پی ٹی آئی اور پاکستان عوامی تحریک کے کارکنان پرہونے والے لاٹھی چارج اورشیلنگ پروزیرِاعظم نوازشریف سمیت گیارہ افراد کے خلاف پولیس کوایف آئی آر درج کرنے کا حکم دیا تھا۔

دوسری جانب پولیس کا کہنا ہے کہ عدالتی حکم کے مطابق مقدمے کا اندراج کرلیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top