The news is by your side.

Advertisement

تحریک انصاف نےالطاف حسین کےخلاف برطانیہ کوخط لکھ دیا

اسلام آباد: مخالفانہ بیان بازی کے بعد تحریک انصاف نے ایم کیوایم کے قائد الطاف حسین کے خلاف برطانوی ہائی کمشنر خط لکھ دیا۔

خط میں کہا گیا ہے ایم کیوایم کے قائد الطاف حسین برطانیہ میں بیٹھ کر نفرت انگیز تقریریں کرتے ہیں،جس سے پاکستان میں تشدد کو ہواملتی ہے۔

خط میں کہا گیا ہےکہ ایم کیوایم کامسلح ونگ ہے جو بھتہ خوری ،ٹارگٹ کلنگ سمیت پی ٹی آئی کی رہنما زہرہ شاہد کے قتل میں بھی ملوث ہے، ایم کیو ایم صحافیوں اور سیاسی مخالفوں کا قتل عام کر رہی ہے۔

خط میں الزام عائد کیا گیا ہے کہ ایم کیو ایم کئی عشروں سے کراچی کے شہریوں کو دہشت زدہ کر رہی ہے۔

پی ٹی آئی کے خط میں سانحہ بلدیہ ٹاون میں دوسوستاون افراد کوزندہ جلانےکاذمہ داربھی ایم کیوایم کو ٹہرایا گیا ہے۔

خط میں برطانوی حکومت سے مطالبہ کیا گیا ہے کہ وہ فوری طور پر الطاف حسین کےخلاف کارروائی کرے۔

Print Friendly, PDF & Email

Comments

comments

یہ بھی پڑھیں