site
stats
اہم ترین

تحریک انصاف نےاالطاف حسین کیخلاف مقدمہ درج کرا دیا

کراچی: متحدہ قومی مومنٹ کے قائد الطاف حسین کے خلاف عزیز آباد تھانے میں مقدمہ درج کر لیا گیا

تفصیلات کے مطابق پاکستان تحریک انصاف  کی جانب سے  جنا ح گراؤنڈ میں مبینہ حملے کی ایف آئی آر الطاف حسین اور دیگر کے خلاف درج کرانے کی درخواست پرعزیز آباد تھانے میں مقدمہ درج کر لیا گیا ہے ۔ مذکورہ ایف آئی آر پی ٹی آئی کے رہنما عزیز آفریدی کی مدعیت میں درج کرائی گئی ہے۔

ایس ایس پی وسطی کے دفتر کے باہر درخواست جمع کرانے کے بعد تحریک انصا ف کے رہنما عار ف علوی نے کہا کہ وہ سمجھتے ہیں کہ الطا ف حسین نے لوگوں کو اس اقدام کیلئے اکسایا۔

 میڈیا سے گفتگو میں این اے دو سو چھیالیس پر پی ٹی آئی کے امیدوار عمران اسمٰعیل کا کہنا تھا کہ ڈنڈے اور لاٹھییوں سے ملسح چالیس سے پچاس لڑکوں نے عقب سے حملہ اور پتھراؤ کیا ۔

انہوں نے کہا کہ حکومت سندھ نے امن وامان یقینی نہ بنانے پر ایس ایچ او عزیز آباد کو معطل کر کے انسپکٹر سلیم اللہ قریشی کو نیا ایس ایچ او مقرر کر دیا ہے۔

دوسری جانب پی ٹی آئی کی جانب سے انیس اپریل کوہرصورت میں جناح گراؤنڈ میں جلسے کا اعلان کیا گیا ہے ، جبکہ کل ملک بھرمیں احتجاج بھی کیا جائیگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top