اسلام آباد: انتخابی دھاندلیوں کے خلا ف پاکستان تحریک انصاف نےالیکشن کمیشن کے دفتر کے باہر احتجاجی مظاہرہ کیا۔
انتخابی دھاندلیوں کےخلاف پاکستان تحریک انصاف نے مرکزی رہنما اعظم سواتی کی قیادت میں الیکشن کمیشن کے دفترکےباہر مظاہرہ کیا، مظاہرے میں پی ٹی آئی کے سینکڑوں کارکن شریک ہوئے، مظاہرے کے شرکاء نےالیکشن کمیشن کے خلاف پلے کارڈز اٹھارکھے تھے جن میں چیف الیکشن کمشنر اور حکومت کےخلاف نعرے درج تھے۔
مظاہرین نےاحتجاج کےدوران وزیراعظم نوازشریف اور چیف الیکشن کمشنر کے علامتی پتلےبھی نظر آتش کئے، دوسری جانب کسی بھی ناخوش گوار واقعے سے نمٹنے کےلئے پولیس کی بھاری نفری الیکشن کمیشن کےباہر تعینات کردی گئی ہے۔
