The news is by your side.

Advertisement

تحریک انصاف کےرویےمیں لچک خوش آئند ہے، لیاقت بلوچ

لاہور:جماعت اسلامی کےجنرل سیکریٹری لیاقت بلوچ نےکہاہےکہ تحریک انصاف کےرویےمیں لچک پیداہوئی ہےجو خوش آئندبات ہے, اے آر وائی نیوز سےخصوصی گفتگو میں لیاقت بلوچ کا کہنا تھا کہ جب تمام نکات پر اتفاق ہو گیا ہے تو اس اہم نکتے پر بھی اتفاق ہو جائیگا ۔

لیاقت بلوچ نےکہا کہ سیاست شائستگی اور سیاسی و جمہوری عمل عوام کے مسائل کے حل کا نام ہے۔ان کا کہنا تھا کہ ہم چاہتے ہیں کہ شائستگی ہو ایک دوسرے کا احترام ہو، اختلاف ہو اور اختلاف کے رویے کو برداشت کرنے کا سلیقہ ہو۔

لیاقت بلوچ نے موجودہ سیاسی بحران کے خاتمے کے لیے تمام سیاسی جماعتوں کے کردار کو سراہتے ہوئے کہا کہ اس بحران سے نکلنے میں کوئی جماعت تنہا کردار ادا نہیں کر سکتی اس لیے جمہوری نظام کے تسلسل کے لیے تمام سیاسی قوتوں کو اپنا کردار ادا کرنا ہو گا۔

Print Friendly, PDF & Email

Comments

comments

یہ بھی پڑھیں