site
stats
اہم ترین

تحریک انصاف گلگت بلتستان کی نگران حکومت کوعدالت میں چیلنج کریگی

اسلام آباد : پاکستان تحریک انصاف کے چیئرمین عمران خان نے مسلم لیگ نواز کی جانب سے گلگت بلتستان میں قبل از انتخابات دھاندلی کی شدید مذمت کرتے ہوئے گورنر سمیت نگران حکومت کی تقرری کو سپریم کورٹ میں چیلنج کرنے کا اعلان کیا ہے۔

ان خیالات کا اظہارچیئرمین پی ٹی آئی نے اسلام آباد میں پریس کانفرنس سے خطاب کرتے ہوئے کیا ،عمران خان نے کہا کہ مسلم لیگ نواز گلگت بلتستان میں قبل از انتخابات دھاندلی کیلئے بھرپور کوشاں ہے جس کیلئے مسلم لیگی وزیر کو گورنر جبکہ قراقرم بنک کے ملازم کو وزیر اعلیٰ کے منصب پر تعینات کیا گیا ہے۔

تاہم تحریک انصاف مسلم لیگ کی اس بد دیانتی کے خلاف مزاحمت کرتے ہوئے ایسے متنازعہ انداز میں انتخابات کے انعقاد کے خلاف عدالت سے رجوع کرے گی۔

ان کا کہنا تھا کہ مسلم لیگ نواز نے عام انتخابات میں تاریخی دھاندلی کے ذریعے اقتدار حاصل کیا اگر وفاقی حکومت عدالتی کمیشن قائم نہیں کرتی تو بھی دھاندلی کے ناقابل تردید شواہد قوم کے سامنے آئیں گے۔

سینٹ انتخابات سے قبل اراکین اسمبلی کی خریدو فروخت پر ناگواری کا اظہار کرتے ہوئے عمران خان نے سینٹ انتخابات کے دوران خفیہ رائے شماری کے طریقہ کار کو تبدیل کرنے کیلئے آئینی ترمیم کی ضرورت پر زور دیا۔

چیئرمین تحریک انصاف نے وفاقی وزیر خزانہ اور حکمران جماعت کی قیادت کے بیرون ملک موجود اثاثوں کاذکر کرتے ہوئے دبئی کی رئیل اسٹیٹ میں اربوں روپوں کی سرمایہ کاری کرنے والوں کی تفصیلات قوم کے سامنے رکھنے کا مطالبہ بھی کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top