site
stats
پاکستان

تریموں بیراج کو خطرہ، حفاظتی بند میں شگاف ڈالنے پرغور

پنجاب: سیلابی ریلے سے اہم تنصیات کو بچانے کیلئے تریموں بیراج کے حفاظتی بند میں شگاف ڈالنے کی تیاریاں کی جانے لگیں ہیں، علاقے میں ریڈ الرٹ جاری کر دی گئی ہے۔

پنجاب میں سیلابی ریلے سے اہم آبی تنصیبات کو بچانے کے لیے دریائے چناب پر واقع تریموں بیراج سے پہلے حفاظتی بند میں شگاف ڈالنے پر غور کیا جا رہا ہے، جھنگ کے قریب تریموں بیراج سے پیر اور منگل کی درمیانی شب تک نو لاکھ کیوسک ریلہ گزرے گا، ہیڈ تریموں سے زیادہ سے زیادہ چھ لاکھ چالیس ہزار کیوسک پانی گزر سکتا ہے۔

این ڈی ایم اے کے مطابق علاقے میں ریڈ الرٹ جاری کیا جا چکا ہے لیکن یہ نہیں بتایا جا سکتا بند توڑنے سے کتنی آبادی متاثر ہوگی، آبپاشی کے موجودہ نظام میں ہر بیراج اور ہیڈ ورکس سے پہلے حفاظتی پشتوں میں مخصوص مقامات کی نشاندہی کی جاتی ہے، جہاں ضرورت پڑنے پر بند کو دھماکا خیز مواد سے اڑا دیا جاتا ہے۔

تریموں کے بعد سیلابی ریلا پنجند سے گزرے گا پھر دریائے سندھ میں داخل ہو گا لیکن اس وقت انتظامیہ کی تمام توجہ تریموں بیراج پر ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top