مٹھی: تھرپارکر میں موت کی دیوی کا رقص آج بھی جاری ہے جہاں بچوں کی ہلاکتوں کا سلسلہ نہ رک سکا موسمی بیماریوں، بھوک اور افلاس نے آج ایک اور بچے کی جان لے لی۔
تھر کے باسیوں کی زندگی ہرگزرتے دن کےساتھ مشکل ہوتی جارہی ہے ہرروز بھوک افلاس اور بیماری ننھے بچوں کو نگل رہی ہے مگر کوئی پرسان حال نہیں ہے، اقدامات صرف دوروں اور زبانی دعوؤں تک محدود ہیں۔
آج بھی ڈپلو کے گاوں میں آٹھ دن کا ایک بچہ دم توڑ گیا جبکہ سول اسپتال میں باون بچے اب بھی زندگی اورموت کی کشمش میں مبتلاہیں بے بس لوگوں کے لیے نئی صبح زندگی کے بجائے موت کا پیغام لاتی ہے، حکومت کے وعدے اوردعوے سب دھرے کے دھرے رہ گئے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
