تیسرا ون ڈے، پاکستان بمقابلہ سری لنکا، آج دمبولا میں کھیلا جائیگا -
The news is by your side.

Advertisement

تیسرا ون ڈے، پاکستان بمقابلہ سری لنکا، آج دمبولا میں کھیلا جائیگا

دمبولا : پاکستان اور سری لنکا کے درمیان تین ون ڈے کی سیریز کا فیصلہ کن معرکہ آج دمبولا میں کھیلا جائے گا، دونوں ٹیموں کے کپتان سیریز میں کامیابی کیلئے پرعزم ہیں۔
دمبولا میں اعصاب کی جنگ ہوگی، دونوں ٹیموں کے پاس آخری موقع ہے، پاکستان اور سری لنکا کے درمیان تین میچز کی سیریز ایک ایک سے برابر ہے، آئی لینڈز نے دوسرے میچ میں شاندار کم بیک کیا تھا، سری لنکا نے آخری میچ کے لئے فائنل الیون برقرار رکھنے کا فیصلہ کیا ہے۔

ادھر پاکستانی ٹیم میں آف اسپنر سعید اجمل ایکشن میں ہوں گے، گرین شرٹس فیصلہ کن معرکہ سر کرکے ٹیسٹ سیریز کی شکست کا بدلہ لے سکتے ہیں، پاکستان نے دو ہزار چھ کے بعد سے سری لنکا میں کوئی ون ڈے سیریز نہیں جیتی۔

دمبولا کے میدان میں شاہد آفریدی کو ایک سو چوبیس رنز کی سب سے بڑی انفرادی اننگز کھیلنے کا اعزاز حاصل ہے، ادھر میزبان ٹیم اس گراؤنڈ پر چوبیس فتوحات سمیٹ چکی ہے، اب دیکھنا یہ ہے کہ فیصلہ کن میچ میں قسمت کی دیوی کس ٹیم پر مہربان ہوتی ہے۔

Comments

comments

یہ بھی پڑھیں