site
stats
کھیل

تیسرا ون ڈے: پاکستان نے سری لنکا کو 317 رنز کا ہدف دیدیا

کولمبو: پاکستان اور سری لنکا کے درمیان  کولمبو میں کھیلے جانے والے تیسرے ون ڈے میچ میں پاکستان نے پہلے بیٹنگ کرتے ہوئے سری لنکا کو 317رنز کا ہدف دے دیا۔

اس سے قبل پاکستان نے ٹاس جیت کر بیٹنگ کا فیصلہ کیا تو پاکستان کی جانب سے اوپنر کپتان اظہر علی اور احمد شہزاد نے اننگز کا آغاز کیا۔

  تفصیلات کے مطابق پاکستان اور سری لنکا کے درمیان تیسرا ون ڈے آج کولمبو کے پریماداسا اسٹیڈیم میں کھیلا جارہا ہے، کپتان اظہر علی نے ٹاس جیت کر بیٹنگ کا فیصلہ کیا۔

پاکستان کی پہلی وکٹ 93 کے مجموعی اسکور پر گری، جب احمد شہزاد ملینگا کی گیند پر کیچ آؤٹ ہوئے، انھوں نے 44 رنز بنائے، دوسرے آؤٹ ہونے والے کھلاڑی اظہر علی تھے، جو 49 رنز بنا کر رن آؤٹ ہوئے۔

پاکستان کی جانب سے سرفراز احمد 74 بالز 77پر رنز بنا کرنمایاں رہے،  جبکہ محمد حفیظ نے 54 اظہر علی نے 49 اور احمد شہزاد 44 جبکہ شعیب ملک 42 اور محمد رضوان 35 بنا کر ناٹ آؤٹ رہے، پاکستانئی ٹیم نے چار کھلاڑیوں کے نقصان پر 316 رنز بنائے۔

تیسرے میچ کے لئے قومی ٹیم میں ایک تبدیلی کی گئی ہے۔ بابر اعظم کی جگہ عماد وسیم فائنل الیون میں جگہ بنانے میں کامیاب رہے، محمد حفیظ ایک سال کی پابندی کے باعث بولنگ نہیں کرواسکیں گے۔

دوسری جانب سری لنکن ٹیم میں کوئی تبدیلی نہیں کی گئی، سری لنکن کپتان کا کہنا ہے کہ سیریز میں برتری کےلئے کھلاڑیوں کو عمدہ کارکردگی دکھانا ہوگی۔

پہلے ون ڈے میں گرین شرٹس نےچھ وکٹوں سے سری لنکا کو شکست دی تھی جبکہ دوسرے ون ڈے میں میزبان ٹیم نے فتح سمیٹ کرحساب برابر کردیا تھا، اس طرح پانچ میچوں کی سیریز ایک ایک سے برابر ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top