site
stats
پاکستان

ثالثی، سہولت کاری یامداخلت عوام کامسئلہ نہیں، سراج الحق

لاہور: امیر جماعت اسلامی پاکستان سراج الحق نے کہا ہے کہ جمہوریت بند گلی میں آ چکی ہے، حکمرانوں کے پاس اب غلطی کی کوئی گنجائش نہیں ہے۔

انٹرنیشنل حجاب کانفرنس کے بعد میڈیا سے گفتگو کرتے ہوئے امیر جماعت اسلامی سراج الحق کا کہنا تھا کہ ملکی حالات نازک موڑ پر آ گئے ہیں، وقت کم ہے، جس کی زیادہ ذمہ داری ہے، اسے قربانی بھی زیادہ دینا ہو گی۔ انہوں نے کہا اچھا ہوتا کہ آرمی چیف کو درمیان میں ڈالنے کے بعد یہ مسئلہ حل کر لیا جاتا، بحران سیاسی قائدین کو ہی حل کرنا ہے، راولپنڈی کی جانب دیکھنا غلط ہو گا۔

ان کا کہنا تھا کہ ملک میں کنفیوژن بڑھتا جا رہا ہے، سیاسی جماعتوں کے سربراہ مل کر انتخابی دھاندلی کرنے والوں کو سزا اور آئندہ شفاف انتخابات کے حوالے سے معاہدہ کر لیں، انہوں نے کہا کہ دھاندلی کی تحقیقات کرنے والے عدالتی کمیشن کو بھی تمام سیاسی جماعتوں کی حمایت ملنی چاہیئے تاکہ دھاندلی ثابت ہو جائے تو حکومت گھر ہی جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top