The news is by your side.

Advertisement

جائیداد کی خریداری پر رجسٹریشن ڈیوٹی پچاس فیصد کم کی جائے، خواجہ اظہار الحسن

کراچی : ایم کیو ایم کے رہنماء اور سندھ اسمبلی میں اپوزیشن لیڈر خواجہ اظہار الحسن نے کہا ہے کہ آنے والے بجٹ میں عام آدمی کیلئے پراپرٹی کی خریداری پر رجسٹریشن ڈیوٹی پچاس فیصد کم کی جائے ۔

یہ بات انہوں نے ایسوسی ا یشن آف بلڈرز اینڈ ڈیولپرز(آباد) آفس کے دورہ کے موقع پر کہی اس موقع پر انہوں نے بلڈرز سے بجٹ پر تجاویز بھی لیں۔

خواجہ اظہار الحسن کاکہنا تھا کہ قبضہ مافیا کراچی کی تیس فیصد زمین پر قابض ہیں۔ قبضہ مافیا دندناتے پھرتے ہیں اور معصوم لوگوں کی اراضی ہتھیاچکے ہیں۔

ان کا کہنا تھا کہ پولیس رینجرز اور حکومت ہنگامی طور پر لینڈ مافیا کے خلاف آپریشن شروع کرے اور ایک اسپیشل ٹاسک فورس بنائی جائے اور جو رینجرز اور پولیس کے ساتھ مل کر قبضہ کی گئی اراضی کو خالی کرائے ۔

اس موقع  پر آباد کے چئیرمین جنید تالو کا کہنا تھا کہ اربوں روپے ٹیکس دینے والے بلڈرز کو سہولت میسر نہیں۔ انہوں نے کہا کہ حکومت ہاؤسنگ انڈسٹری کو مراعا ت دینے کا اعلان کرے۔

Comments

comments

یہ بھی پڑھیں