جان کیری 2 روزہ دورے پر آج پاکستان پہنچ رہے ہیں -
The news is by your side.

Advertisement

جان کیری 2 روزہ دورے پر آج پاکستان پہنچ رہے ہیں

واشنگٹن: امریکی وزیرِ خارجہ جان کیری آج دو روزہ دورے پر پاکستان پہنچیں گے ۔

امریکی وزیرِ خارجہ جان کیری وزیرِاعظم نواز شریف کے ساتھ مشیر خارجہ سرتاج عزیز سے ملاقات کریں گے، ذرائع کے مطابق جان کیری پاکستانی قیادت سے اسٹرٹیجک مذاکرات میں پاک، افغان تعلقات اور بھارت کےساتھ بڑھتی ہوئی کشیدگی پر بھی تبادلہ خیال کریں گے۔

مذاکرات میں پاک امریكا وركنگ گروپ كے نتائج كے حوالے سے غور كیا جائے گا جب کہ دونوں ممالک کے درمیان تعلقات مزید مضبوط كرنے كے حوالے سے بھی تبادلہ خیال ہوگا۔

واضح رہے کہ امریکی صدر بارک اوباما کا اسی ماہ دورۂ پاکستان کا امکان ہے، امریکی صدر چھبیس جنوری کو بھارت کے یومِ جمہوریہ کی تقریب میں شرکت کیلئے ہندوستان آئیں گے۔

امریکی صدر بارک اوبامہ کے دورۂ پاکستان کا امکان پاکستان میں دہشتگردی کے خاتمے کیلئے کئے گئے انتہائی اقدام کے بعد پیدا ہوا ہے، بارک اوبامہ کی پاکستان آمد میں پاک فوج کے سربراہ جنرل راحیل شریف کے دورۂ امریکہ کا دخل بھی بتایا جاتا ہے۔

امریکی وزیرِ خارجہ جان کیری کے دورۂ پاکستان میں اوباما کے دورے کی تفصیلات طے کی جائیں گی۔

امریکی صدر چھبیس جنوری کو ہونےو الے بھارت کے یوم جمہوریہ کی تقریب میں شرکت کیلئے بھارت پہنچیں گے

Comments

comments

یہ بھی پڑھیں