جرمنی میں گورکن پراس وقت خوف اورحیرت کے پہاڑ ٹوٹ پڑے جب تابوت میں لیٹی ہوئی 92 سالہ خاتون تدفین سے چند لمحوں قبل اٹھ کہ پوچھنے لگی کہ ’وہ کہاں ہے‘۔
کیا آپ نے کبھی ایسا کوئی منظر دیکھا ہے کہ کوئی مردہ قرار دیا جانے والے شخص قبر سے اٹھ کھڑا ہوا ہو؟ نہیں نا لیکن جرمنی میں ایسا حقیقتاً ہوچکا ہے۔ خدا کا شکر ہے کہ بزرگ خاتون کو دفن نہیں کیا گیا تھا۔
جرمنی کے شہر گالسینکرچین میں 92 سالہ بزرگ خاتون کو تدفین سے کئی گھنٹے قبل مردہ قراردیا گیا تھا آخری رسومات کے مراحل سے گزرکرجب عین موقع پرکہ خاتون کی تدفین ہورہی تھی پتا چلا کہ خاتون زندہ ہیں انہیں ایمرجنسی میں ایک مقامی اسپتال منتقل کیا گیا جہاں وہ چند روززیرِعلاج رہنے کے بعد انتقال فرما گئیں۔
متعلقہ افراد کے مطابق واقعے کی تحقیقات جاری ہیں کہ کس طرح خاتون کو مردہ قرار دیا گیا جبکہ وہ زندہ تھیں اور سانس لے رہی تھی۔ ذرائع کے مطابق خاتون ایک نرسنگ ہوم میں قیام پذیر تھیں جہاں انکی نگہداشت پر معمور فرد نے انہیں مردہ حالت میں پایا اور یہ یقین کرلیا گیا کہ وہ مرچکی ہیں۔
ادارے کے سربراہ لوتھر برگر اس واقعے پر انتہائی شرمندہ ہیں اور انکا کہنا ہے کہ انہیں میڈیا اورعوام کی جانب سے شدید تنقید اور ردعمل کا سامنا کرنا پڑرہا ہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
