site
stats
کھیل

جرمن فٹبال ٹیم کی برلن آمد پر شاندار استقبال

برلن : برازیل میں چیمپئین بننے کے بعد جرمن فٹبال ٹیم وطن واپس پہنچ گئی، برلن آمد پر جرمن ٹیم کا پرتپاک استقبال کیا گیا۔

دنیائے فٹبال پر آئندہ چار سال کے لئے حکمرانی کرنے والی جرمن ٹیم کا ریو ڈی جنیرو سے برلن آمد کے موقع پر والہانہ استقبال کیا گیا، سینکٹروں کی تعداد میں مداح ٹیم کے استقبال کے لئے ایئرپورٹ پر موجود تھے، ہاتھوں میں جرمنی کے جھنڈے اٹھائے مداح ٹیم کے حق میں نعرے بازی کر رہے تھے۔

کھلاڑیوں کی ایک جھلک دیکھنے کے لئے لوگ دیوانوے ہورہے تھے، پورا شہر چیمپئینز کو خوش آمدید کہنے کے لئے سڑکوں پر نکلا ہوا تھا، کھلاڑیوں نے ایئرپورٹ سے نکلنے کے بعد کھلی چھت والی ڈبل ڈیکر بس پر سوار ہوکر شہر کا چکر لگایا اور وکٹری کا نشان بنا کر پرستاروں کا شکریہ ادا کیا۔

جرمنی نے فائنل میں ارجنٹینا کو ایک صفر سے شکست دے کر چوتھی مرتبہ ورلڈ کپ کا ٹائٹل اپنے نام کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top