جسٹس(ر)محمدسائرعلی پی سی بی کے قائم مقام چیرمین اور چیف الیکشن کمشنرمقرر -
The news is by your side.

Advertisement

جسٹس(ر)محمدسائرعلی پی سی بی کے قائم مقام چیرمین اور چیف الیکشن کمشنرمقرر

لاہور: حکومت نے جسٹس(ر)محمدسائرعلی کو پاکستان کرکٹ بورڈ کا قائم مقام چیرمین اور چیف الیکشن کمشنرمقرر کردیا، قائم مقام چیئرمین آئندہ تیس دنوں میں بورڈ کے الیکشن کرائیں گے۔

وزیر اعظم نواز شریف نے سپریم کورٹ کی ہدایت پر سابق سپریم کورٹ جج جسٹس ریٹائرڈ سائر علی کو قائم مقام چیئرمین پی سی بی مقرر کردیا ہے، جسٹس سائر علی آئندہ تیس دنوں میں چیئرمین پی سی بی کے الیکشن کرائیں گے، گورننگ بورڈ میں دو سابق چیرمین نجم سیٹھی اور شہریار خان کو نامزد کیا گیا ہے، نجم سیٹھی پی سی بی کے چیرمین کے عہدے کیلئے الیکشن میں حصہ نہ لینے کا اعلان کرچکے ہیں، جس کے بعد شہریار خان چیئرمین پی سی بی بن جائیں گے۔

پہلی بار ایسا ہو گا کہ کوئی دوسری بار پی سی بی چئیرمین کا منتخب ہو، شہریار خان اس سے قبل دسمبر دو ہزار تین سے اکتوبر دو ہزار چھ تک چیئرمین پی سی بی کے عہدے پر فائز رہ چکے ہیں، لگتا ہے چودہ ماہ کا تعطل ختم ہو گا اور نجم سیٹھی کے ارادے اور منصوبے کامیاب ہو گئے۔

Comments

comments

یہ بھی پڑھیں