site
stats
اہم ترین

جشنِ عیدمیلاد النبی آج مذہبی جوش وجذبے سے منایا جارہا ہے

کراچی : جشنِ عیدمیلاد النبی آج ملک بھرمیں مذہبی جوش وخروش سے منایا جارہا ہے, خاتم النبی، محبوبِ خداکے یومِ ولادت پراُن سے محبت وعقیدت کا اظہارکرنے کے لئے آج ملک کے مختلف چھوٹے بڑے شہروں سے جلوس نکالے جارہے ہیں۔

شہرشہرچراغاں اورنعتیہ محافل کے انعقاد سے ایک پُرنورسماں سابندھ گیا ہے۔ عاشقانِ رسول مذہبی یگانگت واتحاداور سرورِ کائنات کی مداح سرائی میں مشغول ہیں۔

مختلف چھوٹے بڑے شہروں سے آج جلوس نکالے جارہے ہیں۔ کراچی ،راولپنڈی، اسلام آباد ،لاہور،کوئٹہ،فیصل آباد سے بھی جلوس نکالے جارہے ہیں۔

کراچی کا مرکزی جلوس میمن مسجد سے برآمدہوگا اوراپنے روایتی راستوں سے ہوتا ہوا نشترپارک میں اختتام پذیرہوگا۔ کراچی کے مختلف علاقوں سے پانچ سوسے زائد جلوس نکالے جارہے ہیں۔

لاہورمیں مرکزی جلوس لاہورریلوے اسٹیشن سے برآمد ہوکرداتادربارپراختتام پذیرہوگا۔ اس سلسلے میں سیکیورٹی کے انتہائی سخت انتظامات کئے گئے ہیں اوردس ہزاراہلکارتعینات کئے گئے ہیں۔

جہلم، ملتان، ٹوبہ ٹیک سنگھ، ٹبہ سلطان، گوجرانوالہ اوردیگرچھوٹے شہروں سے بھی عیدمیلادالنبی کے سلسلے میں جلوس نکالے جارہے ہیں۔ تمام شہروں میں جلوس کے شرکا کے لئے جگہ جگہ سبیلیں سجائی گئی ہیں اورلنگرکا بھی اہتمام کیا گیا ہے۔

ملک بھرمیں جشن عید میلاد النبی کے موقع پرسجاوٹ کے ساتھ ساتھ ریلیاں بھی نکالی گئی ہیں۔ عیدمیلادالنبی کے موقع پرکراچی کی گلی کوچے ، مساجد اور سرکاری ونیم سرکاری عمارتوں کو برقی قمقوں اورسبز پرچموں سے سجا دیا گیا ہے ۔

فیصل آباد میں پاکستان سنی تحریک کے زیراہتمام میلاد ریلی کا انعقاد کیا گیا، ریلی میں شرکا ہاتھوں میں سبزپرچم اٹھا کرنعتیں پڑھتے رہے۔ ملتان میں نجی کالج میں محفل میلاد کا انعقاد کیا گیا جس میں مختلف اسکول وکالج کے طلبا وطالبات نے اپنے اپنے انداز میں حضوراکرم کو نظرانہ عقیدت پیش کیا۔

کمالیہ میں جشن عید میلاد النبی بڑے مذہبی جو ش وجذبے اورعقیدت واحترام سے منایا جارہا ہے اورمساجد رنگ برنگی روشنیوں سے چاند کی طرح روشن ہیں۔

جہلم میں بھی عید میلاد النبی کے موقع پر تجارتی مراکز، گلیوں اورمحلوں کو دلہن کی طرح سجادیا گیا ہے۔ سکھرمیں عید میلاد النبی کے حوالے سے مشعل بردار ریلی نکالی گئی ریلی میں سیکڑوں افراد نے شرکت کی اورلبیک یا رسول اللہ کے نعرے لگائے۔

سانگھڑ میں جشن عید میلاد النبی کے موقع پر ضلع بھر میں شہروں اور دیہاتوں کو چراغاں کرکے آرائشی محراب بناکر دلہن کی طرح سجادیا گیا ہے۔

ملتان میں عاشقان رسول نے5ہزار پاؤنڈ وزنی کیک کاٹا۔مدینۃ اولیا میں نبی آخری الزمان کے پروانوں نے پانچ ہزار پاؤنڈ وزنی اور پچھہتر فٹ طویل کیک کاٹا۔اس موقع پر درود سلام کی دل موہ لینے والی صداؤں فضا کومعطر کردیا۔

اے آر وائی کیو ٹی وی اور ادارہ منہاج القرآن کے زیر اہتمام مینار پاکستان کے احاطے میں میلاد کانفرنس کا انعقاد کیا گیا۔میلاد کانفرنس میں منہاج القرآن کے نعت خوانوں نے ہدیہ نعت پیش کیئے۔

میلاد کانفرنس میں منہاج القرآن اکیڈمی کے اسکالرز نے میلاد کی اہمیت پر روشنی ڈالی۔ میلاد کانفرنس سے ڈاکٹرطاہر القادری نے وڈیو خطاب کیا جس میں نبی کریم کی ذات مبارکہ کی شان بیان کی۔

لاہوراور پشاور میں پاک فوج کی جانب سے اکیس توپوں کی سلامی دی گئی،

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top