site
stats
انٹرٹینمںٹ

جعلی انٹرویو: عامرخان نےپاکستانی ویب سائٹس کو قانونی نوٹس بھجوادیا

بالی وڈ کے سپر اسٹار عامر خان نے پاکستان کی ویب سائٹس کو جعلی انٹرویو شائع کرنے کے الزام میں قانونی نوٹس بھجوادیے۔

عامر خان کی نئی فلم’’پی کے‘‘نے ریلیز ہوتے ہی دنیا بھرسے 620 کروڑروپے کما کربزنس کے تمام تر ریکارڈ توڑ دیے ہیں انکی یہ فلم ریلیز ہوتے ہی تنازعات کا شکار ہوگئی تھی۔

بلی وڈ سے موصول ہونے والی اطلاعات کے مطابق عامر خان نے پاکستانی ویب سائٹس پرشائع ہونے والے انٹرویو کو جعلی قرار دے دیا جس میں ان کی فلم ’’پی کے‘‘کے حوالے سےمذہبی سوالات اور ان کے جوابات تھے۔

عامر خان کے قانونی مشیر آنند دیسائی نے قانونی نوٹس بھجوائے اور اس موقع پر میڈیا سے گفتگو کرتے ہوئے ان کا کہنا تھا کہ ’’عامرخان کی نئی فلم کے حوالے سے پاکستانی ویب سائٹس پرشائع شدہ انٹرویونے خود عامرخان کو بھی حیران کردیا تھا‘‘۔

ان کا کہنا تھا کہ اس عمل کا مقصد صرف اورصرف ویب سائٹس پر صارفین کی تعداد بڑھانا ہے اور اس عمل سے ان کے موکل کی اہانت ہوئی ہے۔

عامر خان سے منسوب انٹرویو کا عکس نیچے ملاحظہ کیا جاسکتا ہے جس میں ان کی فلم کے حوالے سے اسلام اور ہندو مت کا تقابل کرنے کی کوشش کی گئی ہے۔

Amir khan fabricated interview

عامر خان کا جعلی انٹرویو

آنند دیسائی نے مزید کہا کہ عام خان اس وقت امریکہ میں ہیں اور واپس آتے ہی ممبئی پولیس کے سائبرکرائم سیل میں اپنی شکایت بھی درج کرائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top