جلسے میں شرکت کیلئے جیالوں کا قافلہ لاڑکانہ سے روانگی کیلئے تیار -
The news is by your side.

Advertisement

جلسے میں شرکت کیلئے جیالوں کا قافلہ لاڑکانہ سے روانگی کیلئے تیار

لاڑکانہ :پاکستان پیپلز پارٹی کے جناح گراؤنڈ میں منعقدہ جلسے میں شرکت کیلئے کارکنان نے تیاریاں مکمل کرلیں ، جیالوں کے قافلے رات کو کراچی کیلئےروانہ ہونگے۔

سی این جی اسٹیشنز پر گاڑیوں کی قطاریں لگ گئیں۔ تفصیلات کے مطابق پیپلزپارٹی کے چیئرمین بلاول بھٹو زرداری کے کل کراچی میں ہونے والے جلسے میں شرکت کے لئے لاڑکانہ میں پیپلز پارٹی کی جانب سے تیاریاں مکمل کرلی گئی ہیں۔

کارکنان کو کراچی لے جانے کے لئے سینکڑوں کوچز، وینیں اور کاریں شہر کے مختلف چوراہوں اور خارجی راستوں پر کھڑی کردی گئی ہیں۔جبکہ مختلف چوراہوں پرقائم کئے گئے کیمپوں سے لاؤڈ اسپیکرکے ذریعے شہریوں کوکراچی کے جلسے میں شرکت کی دعوت دی جا رہی ہے۔

دوسری جانب کراچی جانے والی گاڑیوں کی شہر بھر کے سی این جی اسٹیشنز پر قطاریں لگ گئی ہیں اور ان کے لئے رش کے باعث سی این جیکا حصول مشکل ہوگیا ہے۔

گاڑیاں کئی گھنٹوں سے سی این جی اسٹیشنز پر کھڑی ہیں۔پیپلز پارٹی کی جانب سے کراچی جانے والا قافلہ آج رات سینیئر صوبائی وزیر نثار احمدکھوڑو اور رکن قومی اسمبلی محمد ایاز سومرو کی قیادت میں کراچی روانہ ہوگا۔

Comments

comments

یہ بھی پڑھیں