لاہور:کالعدم جماعت الدعوہ کے سربراہ حافظ سعید کا کہنا ہے کہ ان کی تنظیم کو کالعدم قراردیے جانے سے کوئی فرق نہیں پڑتا۔
حافظ سعید لاہورمیں گستاخاکانہ خاکوں کی اشاعت کے خلاف نکالی گئی ریلی سے خطاب کررہے تھے۔
انہوں نے ’’تحریکِ حرمت ِ رسولؐ ‘‘ کے نام سے نئی جماعت کی تشکیل کااعلان بھی کیا۔
ان کا کہنا تھا کہ گستاخاکانہ خاکوں کی اشاعت کے خلاف مسلمان خاموش نہیں بیٹھیں گے بلکہ اس عمل کے خلاف دنیا بھرمیں احتجاج کیا جائے گا۔
جماعت الدعوہ پر لگنے والی پابندی کے خلاف حافظ سعید کا کہنا تھا کہ صرف ان کی پنشن والا اکاؤنٹ منجمد کیا گیا ہے۔ انہوں نے یہ بھی کہا کہ یہ مدعا چارسال پرانا ہے اوروزارتِ خارجہ نے صرف اسے دہرایا ہے۔
ان کا کہنا تھا کہ جماعت الدعوہ کوئی فرقہ وارانہ جماعت نہیں ہے بلکہ انسانیت کی خدمت اورمسلم امہ کے اتحاد کے لئے کام کرنے والی تنظیم ہے۔
انہوں نے دعویٰ کیا کہ ان کی جماعت کے خلاف دہشت گردی میں ملوث ہونے کا ایک بھی ثبوت مہیا نہیں کیا جاسکتا۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
