جمعۃ الوداع اور یوم القدس مذہبی جوش وجذبےسےمنایاگیا -
The news is by your side.

Advertisement

جمعۃ الوداع اور یوم القدس مذہبی جوش وجذبےسےمنایاگیا

ملک بھر میں جمعۃ الوداع مذہبی جوش وجذبےسےمنایاگیا، ملکی استحکام اور مسلم امہ کیلئےکی یکجہتی کیلئےخصوصی دعائیں کی گئیں۔ حساس مقامت پرسکیورٹی ہائی الرٹ دیکھی گئی۔ ملک بھرمیں جمعۃ الوداع روایتی مذہبی جوش وجذبےسےمنایاگیا۔ نمازجمعہ کےاجتماعات میں ملکی استحکام اورسلامتی کراچی اورفلسطین میں امن کی بحالی کیلئےخصوصی دعائیں مانگی گئیں۔

صوبائی دارالحکومت سمیت صوبہ بھرمیں سکیورٹی ہائی الرٹ رہی۔ لاہور میں بڑےاجتماعات بادشاہی مسجد، داتا دربار، مرکز القادسیہ، جامعہ اشرفیہ، جامعہ نعیمیہ، جامعۃ المنتظر، مسجد شہدا، جامعہ رحمانیہ سمیت دیگر مقامات پر ہوئے۔ جمعۃ الوداع کےموقع پرعلماءوخطیب حضرات نےجمعہ کے اجتماعات میں دینی موضوعات کے علاوہ ملکی مجموعی صورتحال خصوصا فلسطین کے حالات کوبھی موضوع بنایا۔مساجد اور امام بارگاہوں میں پولیس کی بھاری نفری تعینات تھی۔ اہم مساجد میں نمازیوں کو واک تھرو گیٹس سےگزارکراندرداخل ہونے دیا گیا۔

علاوہ ازیں پاکستان سمیت دنیا بھر کے مسلمان جمعۃ الوداع ’’ یوم القدس‘‘ کے طور پر منا رہے ہیں ۔فلسطینیوں سے اظہار یکجہنی کیلئے ملک بھر میں آج یوم القدس منایا جا رہا ہے،اس سلسلہ میں ملک بھرکے چھوٹے بڑےشہروں میں مذہبی جماعتوں کی جانب سےاحتجاجی ریلیاں نکالی جا رہی ہیں۔ کراچی میں القدس ریلی میں ہزاروں افرادشریک تھے۔ریلی کےباعث راستوں کوکنٹینرز لگا کر بندکیاگیا۔

لاہور میں امامیہ ا سٹوڈنٹس آرگنائزیشن اور مجلس وحدت المسلمین کےزیراہتمام القدس ریلی نکالی جا رہی ہے۔اسلام آبادمیں مجلس وحدت المسلمین کی جانب سے یوم القدس کےموقع پر احتجاجی ریلی نکالی جا رہی ہے۔ علامہ راجہ ناصر عباس ریلی کی قیادت کر رہے ہیں۔ ریلی کےشرکااسرائیلی جارحیت کےخلاف شدید نعرہ بازی کر رہے ہیں۔

راولپنڈی میں جماعت اسلامی تحریک انصاف مجلس وحدت المسلمین اور دیگر مذہبی تنظیموں کی جانب سےفلسطینی بھائیوں اور اسرائیلی بربریت کیخلاف احتجاجی مظاہرہ کیا جا رہا ہے۔ اٹک میں جماعت اسلامی کےزیر انتظام اسرائیلی جارحیت کےخلاف فلسطینیوں سےاظہار یکجہتی کے لئےاحتجاجی ریلی نکالی جا رہی ہےجس میں ہزاروں افراد شریک ہیں۔میاں چنوں میں شیہ علما کونسل کی جانب سےاسرائیل کی جارحیت کے خلاف ڈی چوک پر احتجاجی مظاہرہ کیا جا رہا ہے۔

ساہیوال میں مجلس وحدت المسلمین کے زیراہتمام یوم القدس ریلی نکالی جا رہی ہے۔ جس میں شرکا امریکا اور اسرائیل کیخلاف نعرے بازی کر رہے ہیں۔ سیالکوٹ میں فلسطینیوں کےقتل عام کےخلاف تحریک جعفریہ کی جانب سے احتجاجی ریلی نکالی جا رہی ہے۔ چیچہ وطنی میں فلسطین پر اسرائیلی جارحیت کے خلاف مجلس وحدت المسلمین کی احتجاجی ریلی میں ہزاروں افراد شریک ہیں۔

Comments

comments

یہ بھی پڑھیں