جمہوری نظام میں آزاد عدلیہ کا انتہائی اہم مقام ہے،چیف جسٹس -
The news is by your side.

Advertisement

جمہوری نظام میں آزاد عدلیہ کا انتہائی اہم مقام ہے،چیف جسٹس

چیف جسٹس آف پاکستان تصدق حسین جیلانی نے کہا ہے کہ آئین میں عدلیہ کی آزادی کو مکمل تحفظ دیا گیا ہے، جہاں بھی آئین اور قانون کی خلاف ورزی ہوگی، عدلیہ مداخلت کرے گی۔

لاہور رجسٹری میں سپریم کورٹ کا لائسنس حاصل کرنے والے وکلا میں اسناد تقسیم کرنے کی تقریب سے خطاب میں چیف جسٹس کا کہنا تھا کہ جمہوری نظام میں آزاد عدلیہ کا انتہائی اہم مقام ہے۔

انھوں نے کہا کہ عدلیہ آزادی کی جدوجہد میں عوام کا کردار عدلیہ پر اعتماد کا مظہر ہے، عدلیہ معاشرے میں امن کی ضامن ہے، مذہب کے نام پہ قتل وغارت گری قرآن و سنت کے منافی ہے۔

انھوں نے کہا کہ جمہوریت کا مطلب صرف انتخابات کروانا نہیں بلکہ ایسا نظام وضع کرنا ہے، جس میں شہریوں کو برابر حقوق حاصل ہوں، اس سے قبل چیف جسٹس نے سپریم کورٹ کا لائسنس حاصل کرنے والے وکلا میں سرٹیفکیٹس تقسیم کئے۔
       

Comments

comments

یہ بھی پڑھیں